ਆਂਵਲੇ ਦਾ ਮੁਰੱਬਾ ਸਿਹਤ ਲਈ ਹੈ 'ਖਜ਼ਾਨਾ', ਰੋਜ਼ ਖਾਣ ਨਾਲ ਮਿਲਣਗੇ ਅਣਗਿਣਤ ਫਾਇਦੇ

ਆਂਵਲਾ ਆਯੁਰਵੇਦ ਵਿੱਚ ਸਿਹਤ ਦਾ ਖ਼ਜ਼ਾਨਾ ਮੰਨਿਆ ਜਾਂਦਾ ਹੈ। ਇਸ ਤੋਂ ਬਣਿਆ ਮੁਰੱਬਾ ਨਾ ਸਿਰਫ਼ ਸੁਆਦ ਵਿੱਚ ਮਿੱਠਾ ਹੁੰਦਾ ਹੈ, ਸਗੋਂ ਸਰੀਰ ਨੂੰ ਤਾਕਤਵਰ ਅਤੇ ਬਿਮਾਰੀਆਂ ਤੋਂ ਦੂਰ ਰੱਖਣ ਵਿੱਚ ਵੀ ਮਦਦਗਾਰ ਹੈ। ਵਿਟਾਮਿਨ C, ਐਂਟੀ-ਆਕਸੀਡੈਂਟਸ ਅਤੇ ਖਣਿਜ ਪਦਾਰਥਾਂ ਨਾਲ ਭਰਪੂਰ ਆਂਵਲੇ ਦਾ ਮੁਰੱਬਾ ਇਮਿਊਨਿਟੀ ਵਧਾਉਣ ਤੋਂ ਲੈ ਕੇ ਚਮੜੀ ਤੇ ਵਾਲਾਂ ਲਈ ਵੀ ਫਾਇਦੇਮੰਦ ਹੈ। ਰੋਜ਼ਾਨਾ ਆਪਣੀ ਡਾਇਟ ਵਿੱਚ ਇਸ ਨੂੰ ਸ਼ਾਮਲ ਕਰਨ ਨਾਲ ਇਮਿਊਨਿਟੀ ਮਜ਼ਬੂਤ ਹੁੰਦੀ ਹੈ, ਪਾਚਣ-ਤੰਤਰ ਸਿਹਤਮੰਦ ਰਹਿੰਦਾ ਹੈ ਅਤੇ ਚਮੜੀ ਤੇ ਵਾਲਾਂ 'ਚ ਕੁਦਰਤੀ ਨਿਖਾਰ ਆਉਂਦਾ ਹੈ। ਹਾਲਾਂਕਿ, ਮਿਠਾਸ ਕਾਰਨ ਇਸ ਦੀ ਮਾਤਰਾ ਸੰਭਲ ਕੇ ਲੈਣੀ ਚਾਹੀਦੀ ਹੈ, ਖ਼ਾਸਕਰ ਜਿਨ੍ਹਾਂ ਨੂੰ ਸ਼ੂਗਰ ਦੀ ਸਮੱਸਿਆ ਹੈ।ਆਓ ਜਾਣਦੇ ਇਸ ਦੇ ਫਾਇਦਿਆਂ ਬਾਰੇ...

1. ਰੋਗਾਂ ਨਾਲ ਲੜਨ ਦੀ ਸ਼ਕਤੀ ਵਧਾਉਂਦਾ ਹੈ

ਆਂਵਲੇ ਵਿੱਚ ਵਿਟਾਮਿਨ C ਬਹੁਤ ਮਾਤਰਾ ਵਿੱਚ ਹੁੰਦਾ ਹੈ, ਜੋ ਸਰੀਰ ਦੀ ਇਮਿਊਨਿਟੀ ਮਜ਼ਬੂਤ ਕਰਦਾ ਹੈ ਅਤੇ ਬਿਮਾਰੀਆਂ ਤੋਂ ਬਚਾਉਂਦਾ ਹੈ।

2. ਪਾਚਣ-ਤੰਤਰ ਲਈ ਲਾਭਕਾਰੀ

ਰੋਜ਼ ਆਂਵਲੇ ਦਾ ਮੁਰੱਬਾ ਖਾਣ ਨਾਲ ਪੇਟ ਦੀਆਂ ਸਮੱਸਿਆਵਾਂ ਜਿਵੇਂ ਐਸਿਡਿਟੀ, ਕਬਜ਼ ਤੇ ਗੈਸ ਤੋਂ ਰਾਹਤ ਮਿਲਦੀ ਹੈ।

3. ਖੂਨ ਸਾਫ਼ ਕਰਦਾ ਹੈ

ਇਹ ਮੁਰੱਬਾ ਖੂਨ ਨੂੰ ਵਿਸ਼ੇਲੇ ਤੱਤਾਂ ਤੋਂ ਸਾਫ਼ ਕਰਦਾ ਹੈ ਅਤੇ ਚਿਹਰੇ 'ਤੇ ਕੁਦਰਤੀ ਨਿਖਾਰ ਲਿਆਉਂਦਾ ਹੈ।

4. ਦਿਮਾਗ ਤੇ ਯਾਦਦਾਸ਼ਤ ਲਈ ਫਾਇਦੇਮੰਦ

ਆਂਵਲੇ ਦਾ ਮੁਰੱਬਾ ਦਿਮਾਗੀ ਸਿਹਤ ਸੁਧਾਰਦਾ ਹੈ, ਯਾਦਦਾਸ਼ਤ ਮਜ਼ਬੂਤ ਬਣਾਉਂਦਾ ਹੈ ਅਤੇ ਤਣਾਅ ਘਟਾਉਣ ਵਿੱਚ ਸਹਾਇਕ ਹੈ।

5. ਦਿਲ ਦੀ ਸਿਹਤ ਲਈ ਚੰਗਾ

ਇਹ ਕੋਲੈਸਟਰੋਲ ਕੰਟਰੋਲ ਕਰਦਾ ਹੈ ਅਤੇ ਦਿਲ ਦੀਆਂ ਬਿਮਾਰੀਆਂ ਤੋਂ ਸੁਰੱਖਿਆ ਦਿੰਦਾ ਹੈ।

6. ਹੱਡੀਆਂ- ਜੋੜਾਂ ਲਈ ਲਾਭਕਾਰੀ

ਕੈਲਸ਼ੀਅਮ, ਫਾਸਫੋਰਸ ਅਤੇ ਹੋਰ ਪੋਸ਼ਕ ਤੱਤ ਹੱਡੀਆਂ ਨੂੰ ਮਜ਼ਬੂਤ ਬਣਾਉਂਦੇ ਹਨ ਅਤੇ ਜੋੜਾਂ ਦੇ ਦਰਦ ਤੋਂ ਰਾਹਤ ਦਿੰਦੇ ਹਨ।

7. ਵਾਲਾਂ ਅਤੇ ਚਮੜੀ ਲਈ ਵਰਦਾਨ

ਮੁਰੱਬਾ ਖਾਣ ਨਾਲ ਵਾਲ ਘਣੇ, ਮਜ਼ਬੂਤ ਅਤੇ ਚਮਕਦਾਰ ਬਣਦੇ ਹਨ, ਜਦਕਿ ਚਮੜੀ ਗਲੋ ਕਰਨ ਲੱਗਦੀ ਹੈ।