UPI ਯੂਜ਼ਰਾਂ ਲਈ ਖੁਸ਼ਖਬਰੀ: ਨਵੇਂ ਨਿਯਮ ਲਾਗੂ, ਭੁਗਤਾਨ ਹੋਵੇਗਾ ਹੋਰ ਆਸਾਨ

UPI ਦੀ ਵਰਤੋਂ ਕਰਨ ਵਾਲੇ ਸਾਰੇ ਯੂਜ਼ਰਾਂ ਲਈ ਵੱਡੀ ਖ਼ਬਰ ਹੈ। ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ ਇੰਡੀਆ ਨੇ UPI ਭੁਗਤਾਨ ਨਾਲ ਸਬੰਧਤ ਨਿਯਮਾਂ ਵਿੱਚ ਬਦਲਾਅ ਕੀਤਾ ਹੈ, ਜਿਸ ਨਾਲ Google Pay ਅਤੇ PhonePe ਵਰਗੀਆਂ ਐਪਾਂ ਦੇ ਯੂਜ਼ਰਾਂ ਨੂੰ ਸਿੱਧਾ ਲਾਭ ਮਿਲੇਗਾ। ਅੱਜ ਯਾਨੀ 15 ਸਤੰਬਰ ਤੋਂ ਯੂਜ਼ਰ ਰੋਜ਼ਾਨਾ 10 ਲੱਖ ਰੁਪਏ ਤੱਕ ਦਾ ਭੁਗਤਾਨ ਕਰ ਸਕਣਗੇ। ਪਹਿਲਾਂ ਇਹ ਸੀਮਾ 2 ਲੱਖ ਰੁਪਏ ਤੱਕ ਸੀ। ਗਹਿਣੇ ਖਰੀਦਣ ਦੀ ਸੀਮਾ ਵੀ ਵਧ ਗਈ ਹੈ। ਆਓ UPI ਦੇ ਨਵੇਂ ਨਿਯਮਾਂ ਨੂੰ ਵਿਸਥਾਰ ਵਿੱਚ ਸਮਝੀਏ ਅਤੇ ਇਹ ਵੀ ਜਾਣਦੇ ਹਾਂ ਕਿ ਕਿਸ ਸ਼੍ਰੇਣੀ ਲਈ ਕਿੰਨੀ ਸੀਮਾ ਨਿਰਧਾਰਤ ਕੀਤੀ ਗਈ ਹੈ।

ਨਵੇਂ UPI ਨਿਯਮਾਂ ਅਧੀਨ ਸੀਮਾਵਾਂ

UPI ਵਿੱਚ ਬਦਲਾਅ ਦਾ ਸਿੱਧਾ ਅਸਰ ਆਮ ਆਦਮੀ 'ਤੇ ਪਵੇਗਾ। ਕਿਉਂਕਿ, ਇਹ ਸੁਧਾਰ ਆਮ ਵਪਾਰੀਆਂ, ਕ੍ਰੈਡਿਟ ਕਾਰਡ ਭੁਗਤਾਨਾਂ ਅਤੇ ਗਹਿਣਿਆਂ ਦੀ ਖਰੀਦਦਾਰੀ ਨਾਲ ਸਬੰਧਤ ਹਨ। ਸ਼੍ਰੇਣੀ ਅਨੁਸਾਰ ਸੀਮਾਵਾਂ ਵਧਾ ਦਿੱਤੀਆਂ ਗਈਆਂ ਹਨ ਪਰ ਧਿਆਨ ਰੱਖੋ ਕਿ ਹਰ ਤਰ੍ਹਾਂ ਦੇ ਭੁਗਤਾਨਾਂ ਦੀਆਂ ਸੀਮਾਵਾਂ ਨਹੀਂ ਵਧਾਈਆਂ ਗਈਆਂ ਹਨ।

ਲੈਣ-ਦੇਣ ਦੀ ਸੀਮਾ ਕਿਉਂ ਵਧਾਈ ਗਈ?

NPCI ਦਾ ਕਹਿਣਾ ਹੈ ਕਿ ਇਹ ਕਦਮ ਵਧਦੀ ਡਿਜੀਟਲ ਅਰਥਵਿਵਸਥਾ ਅਤੇ ਲੋਕਾਂ ਦੀਆਂ ਜ਼ਰੂਰਤਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਚੁੱਕਿਆ ਗਿਆ ਹੈ। ਹੁਣ ਲੋਕ ਵੱਡੇ ਭੁਗਤਾਨਾਂ ਲਈ RTGS, NEFT ਵਰਗੇ ਮਾਧਿਅਮਾਂ ਦੀ ਬਜਾਏ ਸਿੱਧੇ UPI ਦੀ ਵਰਤੋਂ ਕਰ ਸਕਣਗੇ। ਇਸ ਨਾਲ ਨਾ ਸਿਰਫ਼ ਵਿੱਤੀ ਲੈਣ-ਦੇਣ ਤੇਜ਼ ਹੋਵੇਗਾ ਸਗੋਂ ਪੂਰੀ ਤਰ੍ਹਾਂ ਡਿਜੀਟਲ ਵੀ ਹੋਵੇਗਾ।

ਇਹ ਵੀ ਪੜ੍ਹੋ- 3 ਦਿਨਾਂ 'ਚ ਹੀ ਬਦਲ ਗਈ ਪੂਰੀ ਸਿਆਸਤ, ਹੁਣ ਸੁਸ਼ੀਲਾ ਕਾਰਕੀ ਖਿਲਾਫ ਉਤਰੇ Gen-Z

ਆਮ UPI ਲੈਣ-ਦੇਣ 'ਤੇ ਕੋਈ ਪ੍ਰਭਾਵ ਨਹੀਂ

ਜੇਕਰ ਤੁਸੀਂ ਸੋਚ ਰਹੇ ਹੋ ਕਿ ਇਹ ਬਦਲਾਅ ਆਮ UPI ਟ੍ਰਾਂਸਫਰ 'ਤੇ ਵੀ ਲਾਗੂ ਹੋਵੇਗਾ ਤਾਂ ਅਜਿਹਾ ਨਹੀਂ ਹੈ। ਵਿਅਕਤੀ-ਤੋਂ-ਵਿਅਕਤੀ (P2P) ਲਈ ਲੈਣ-ਦੇਣ ਸੀਮਾ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ ਭਾਵ ਦੋਸਤਾਂ ਜਾਂ ਪਰਿਵਾਰ ਨੂੰ ਪੈਸੇ ਭੇਜਣਾ। ਪਹਿਲਾਂ ਵਾਂਗ, ਪ੍ਰਤੀ ਦਿਨ ਵੱਧ ਤੋਂ ਵੱਧ ਸਿਰਫ਼ 1 ਲੱਖ ਰੁਪਏ ਹੀ ਭੇਜਿਆ ਜਾ ਸਕਦਾ ਹੈ।